Kynhneigð Tinna

Eins og flestir Tinnaaðdáendur hafa gert sér grein fyrir að þá er það deginum ljósara að Tinni er samkynhneigð persóna. Það er hinsvegar góð spurning hvort að höfundurinn hafi gert það meðvitað eða ekki en hann var einmitt sjálfur samkynhneigður. Á árum áður hefði sala Tinnabókanna væntanlega ekki verið upp á marga fiska ef hann hefði staðið fyrir utan skápinn frá byrjun en í dag má auðveldlega sjá merki um kynhneigð stráksa.

Fyrir utan afar umdeilda hárgreiðslu sem fáir gagnkynhneigðir karlmenn myndu sætta sig við þá má til dæmis má nánast aldrei sjá kvenkyns persónu í bókunum og þá sjaldan þær koma fyrir eru þær leiðinlegar grybbu-týpur sem engum líkar vel við. Einnig mun hann aldrei hafa verið við kvenmann kenndur og svo síðast en ekki síst að þá eru það oftar en ekki ungir strákar sem hann bjargar úr klóm glæpamanna en ekki ungar stúlkur eins og má sjá í meginþorra bókmennta í þessum flokki.

Nú á að gera kvikmynd um kappann, spurning hvort að þeir Spielberg og félagar fari út í þessa hluti eða hvort þeir verði hræddir við minni aðsókn ef aðalpersónan og hasarhetjan er samkynhneigð? Maður hreinlega spyr sig!

Hundrað ár frá fæðingu Hergé

Athugasemdir

[Guðný Lára (IP-tala skráð) 21.5.2007 kl. 14:13]

Hehe... þetta er nokkuð góður punktur... Það verður spennandi að sjá hver framvindan verður hjá Spielberg og félögum :)

kveðja Guðný Lára

[Ólafur Þórðarson, 21.5.2007 kl. 14:20]

Ég man ekki betur en hann hafi bjargað Tobba nokkrum sinnum. Whatever that means!

[Unnar (IP-tala skráð) 21.5.2007 kl. 21:40]

jesus, ég þurfti í alvöru að reikna útaf þessari ruslpóstvörn..

En já var tobbi ekki hundurinn ? Er samkynhneigt að bjarga honum :s

Annars góður punktur en þetta verður líklegast látið vera í myndinni 

[Stebbi (IP-tala skráð) 21.5.2007 kl. 23:39]

Jahérna Tinni Hommi.......ég spáði svosem ekkert í því þegar ég var að lesa þetta sem pjakkur en þú varðst bara að eyðileggja þetta fyrir mér.