Skipulagið í tómu rugli

Í fréttinni kemur fram að tonlist.is hafi staðið í skilum á greiðslum vegna kaup á tónlistinni en greiðslurnar hafi ekki skilað sér til tónlistarmanna.... á 4 árum! Hverjum er þá um að kenna? Hvar liggja fjárhæðirnar. Eru STEF menn algjörlega steinrunnir og vonlaust að fá þá til að greiða út þessa peninga? Þetta er reyndar ekki í fyrsta skiptið sem maður heyrir svona hluti um STEF enda er þessi stofnun afar hægvirk og óskilvirk.

Einnig er rætt um að greiðslur af streymandi tónlist sé ekki í raun greitt samkvæmt lista frá tonlist.is heldur frá ríkisútvarpinu svo að aðeins þeir sem eru í náðinni hjá Rás1 sérstaklega fá óréttmætar greiðslur fyrir sölu annarra tónlistarmanna á tonlist.is. Þetta er auðvitað hefðin á Íslandi að gera þetta með þessum hætti og margar útvarpsstöðvarnar eru ekki að skila inn lista yfir spiluð lög heldur greiða fyrir spilun á Rás1 og Rás2 (og stundum jafnvel Bylgjunni). Þetta er bara hreinlega ekki í lagi....

Kannski það ætti að stofna önnur samtök tónlistar og textahöfunda til að það sé samkeppni í greininni! Kannski það myndi hreyfa við þessum steinrunnu hálf úreltu steinstyttum þarna hjá STEF.
Ég sem tónlistarmaður er amk afar ósáttur við þetta fyrirkomulag sem ætti að vera fyrir löngu búið að taka í gegn þar sem tæknin er orðin svo miklu betri en þegar þessar reglur voru settar á og það ætti að vera lítið mál að gera þetta allt rafrænt og á skilvirkan hátt.

Tónlist.is stendur skil á sínu

Sérstaða Íslendinga..

Íslendingar hafa löngum verið taldir frekar skrítin þjóð og birtist það mjög vel í ýmsum tölulegum staðreyndum. Það að meðalaldur fólks í giftingarhugleiðingum sé 33 ár er auðvitað frekar sérstakt. Þar sem ég hef búið og dvalið erlendis tíðkast það að fólk giftist sem fyrst, jafnvel fyrir tvítugt. Þar þykir mjög eðlilegt að fólk hittist, fari á nokkur stefnumót á löngum tíma - ekkert stress, og svo giftist það kannski 1-2 árum síðar - ef samningar nást.

Við Íslendingar erum miklu bráðlátari en þetta og getum ekki hamið okkur í þessum málum sem sést best á tíðni fæðinga barna ungra kvenna hér á landi. Það er hinsvegar mjög fátítt í þessum löndum sem ég þekki til að stelpur séu að eignast börn fyrir 25 ára aldur og jafnvel ekki fyrr en 30-35 ára. Þar eru þessir hlutir teknir skipulega og í réttri röð án einhvers flandurs sem við Íslingarnir erum svo vel þekktir fyrir.

Einnig er hin séríslenska trúlofun alveg sér á parti. Í Ameríkusýslu og annarstaðar munu menn segja að þeir séu "engaged to be married" þegar þeir trúlofa sig og oftar en ekki eru þeir svo giftir 6-12 mánuðum síðar enda búnir að skuldbinda sig til þess. Hjá Íslendingunum er þetta hinsvegar annað mál. Menn líta á trúlofun sem ákveðið ástand sem í raun bindur þá ekki til giftingar heldur stígur bara hálft skref í átt til giftingar og geta því verið trúlofaðir í mörg ár algjörlega án allra skuldbindinga til að klára málið.

Það er s.s. alveg öfugt farið með okkur miðað við margar aðrar "siðmenntaðar" þjóðir. Við hittumst, eignumst börn, skiljum, hittum aðra og eignumst fleiri börn, skiljum hugsanlega aftur og einusinni enn. Síðan eftir allan þennan pakka erum við kannski (sum) loksins búin að læra að hugsa fyrst og framkvæma svo og þá eru menn kannski komnir yfir þrítugt og loksins tilbúnir að fara að gifta sig!

Meðal giftingaraldur kvenna tæp 32 ár og karla 34 ár

Eitthvað furðulegt í gangi..

tonlist.is hefur í nokkur ár núna verið aðal gagnasafn íslenskrar tónlistar og er frábært sem slíkt. Þeir hafa leyft nánast hverjum sem er að setja inn efni á síðuna og verið opnir fyrir öllu virðist vera. Þeir hafa tekið þátt í tónlistarlífi íslendinga með veglegum hætti og það skal ekki vanmeta, en þeir virðast hafa gleymt því að greiða fyrir réttinn.

 Væntanlega er það öllum ljóst að aldrei mun neinn græða stórar upphæðir á svona vef. Að mínu mati er hann nánast eingöngu rekinn í menningarlegum og markaðslegum tilgangi en ekki vegna hagnaðarvonar. Hinsvegar eiga þeir að sjálfsögðu að greiða fyrir sölu á tónlist til höfunda en eitthvað hefur farið þar úrskeiðis.

Ég þekki vel til um dæmi þar sem hljómsveit gaf út disk sem selst hefur í um 12.000 eintökum en samkvæmt tonlist.is hefur ekki selst eitt einasta eintak eða lag af síðunni hjá þeim! Meðlimir (og útgefandi) urðu hálf hissa yfir þessum fréttum og prófuðu að panta eintak og greiða fyrir það sjálfir á tonlist.is til að prófa ferlið. Síðan er liðinn töluverður tími og enn segja þeir að ekkert eintak hafi selst!  

Það er s.s alveg ljóst að einhverstaðar er potturinn brotinn í þessu máli. Þeir þurfa að gera eitthvað í sínum málum til að gera tónlistarmenn ekki alveg afhuga þessari síðu sem er samt svo góð og nauðsynleg þó það sé ekki nema í menningarlegum tilgangi! Höfundar hafa eflaust gefið síðunni góðan tíma og sjens til að koma sér á koppinn áður en þeir fóru að ergjast yfir skorti á greiðslunum frá þeim en nú er kominn tími til að gera úrbætur!

Skráð sem hringitónn

Kynhneigð Tinna

Eins og flestir Tinnaaðdáendur hafa gert sér grein fyrir að þá er það deginum ljósara að Tinni er samkynhneigð persóna. Það er hinsvegar góð spurning hvort að höfundurinn hafi gert það meðvitað eða ekki en hann var einmitt sjálfur samkynhneigður. Á árum áður hefði sala Tinnabókanna væntanlega ekki verið upp á marga fiska ef hann hefði staðið fyrir utan skápinn frá byrjun en í dag má auðveldlega sjá merki um kynhneigð stráksa.

Fyrir utan afar umdeilda hárgreiðslu sem fáir gagnkynhneigðir karlmenn myndu sætta sig við þá má til dæmis má nánast aldrei sjá kvenkyns persónu í bókunum og þá sjaldan þær koma fyrir eru þær leiðinlegar grybbu-týpur sem engum líkar vel við. Einnig mun hann aldrei hafa verið við kvenmann kenndur og svo síðast en ekki síst að þá eru það oftar en ekki ungir strákar sem hann bjargar úr klóm glæpamanna en ekki ungar stúlkur eins og má sjá í meginþorra bókmennta í þessum flokki.

Nú á að gera kvikmynd um kappann, spurning hvort að þeir Spielberg og félagar fari út í þessa hluti eða hvort þeir verði hræddir við minni aðsókn ef aðalpersónan og hasarhetjan er samkynhneigð? Maður hreinlega spyr sig!

Hundrað ár frá fæðingu Hergé

Útstrikanir gætu hafa bjargað stjórninni

Smá pæling...

Getur verið að fólk hafi kosið Sjálfsstæðisflokkinn hreinlega til að eiga kost á að strika þá félaga út?? Er það hugsanlegt að fólk sem var í vafa og hefði hugsanlega valið einhvern annan (betri) flokk hefur valið Sjálfsstæðisflokkinn einungis til þess að strika yfir glæpamennina á listanum og komið þar með í veg fyrir að stjórnin hafi fallið?

Þetta er pæling.. kosningakerfið er meingallað. 

Sveinn: Mjög mikið um útstrikanir og tilfæringar sérstaklega á D-lista

Lýðræði??

Eftir hamfarir helgarinnar sitja þeir félagar Jón og Geir á bakvið luktar dyr og reyna allt sem þeir geta til að koma sér saman um einhverskonar samkomulag. Þeir munu rembast af öllum mætti ef þeir mögulega geta til að klára málið. Geir vill að sjálfsögðu ekkert frekar en að halda áfram að "starfa með" Framsókn þar sem þeir eru lang þægilegasti og fyrirferðarminnsti flokkurinn sem í boði er - og fyrirferðin minnkar enn!

Sjálfstæðismenn hafa í áraraðir notfært sér Framsóknarflokkinn til að hanga í stjórn stykk frí! Þeir grænu hafa verið afar þægir og ekkert látið fyrir sér fara. þeir hafa einfaldlega hlýtt Sjálfstæðismönnum í einu og öllu, verið blóraböggullinn þeirra og hækja. Nú eru Framsóknarmenn orðnir minni en Vinstri grænir sem hlýtur að segja sitt um hvað þjóðin vill. Hún hefur engan áhuga á að sjá svona flokk í stjórn, enda umræðan á götunni eftir því. Ég hef ekki hitt nokkurn mann sem hefur brennandi áhuga á að hafa Framsókn áfram í stjórn. Margir gamlir harðir Framsóknarmenn horfa sorgaraugum á flokkinn sinn verslast upp en flestir virðast vera löngu búnir að gefast upp á honum hvort eð er og eru farnir að horfa í aðrar áttir.

Staðreyndin er sú að Framsókn hefur ekki staðið sig vel en hangir á bakinu á Sjálfstæðisflokknum sem virðist vera að standa sig mun betur. Þeir lifa einnig á fornri frægð landsbyggðarinnar sem af einhverjum ástæðum virðist sjá eitthvað meira í þeim en aðrir. Ég vil taka fram að Framsókn hefur ágætis stefnuskrá og ef maður hefði ekki horft uppá störf þeirra síðastliðin ár þá hefði maður jafnvel haldið að þarna væri ágætis flokkur á ferð en þeir hafa bara ekki staðið við neitt, enda nánast valdalausir.

Nú hefur þessi svokallaða stjórn aðeins einn mann í meirihluta. Það þarf ekki nema einn fýlupúka til að stöðva öll mál og raska öllu kerfinu. Það er þá eins gott að allir verði hlýðnir og góðir og láti það vera að hafa eigin skoðanir. Engin Sjálfsstæðismaður má því hafa sjálfsstæðar hugsanir og Framsókn verður og mun auðvitað að fylgja þeim (ó)sjálfsstæðu í einu og öllu eins og alltaf, annars er samstarfið í hættu - og hver myndi nú vilja það?

Stóru flokkarnir eru í dag Sjálfsstæðisflokkurinn og Samfylkingin. Ef að lýðræðið væri algjört þá væri hlustað á meirihluta þjóðarinnar og þeir flokkar færu í stjórn. Væri það ekki lýðræðislegasta leiðin að gera kröfu um að stærstu flokkar landsins myndu reyna samstarf áður en annað væri reynt? Með slíku samstarfi mundu flokkarnir vega hvorn annan upp. Þeir myndu takast á um málefnin og komast að málamiðlun. Sjálfsstæðismenn yrðu ekki einráðir í einu og öllu eins og hefur verið heldur þyrftu þeir að berjast fyrir stóriðjustefnunni, peninga og valdagræðginni. Þessir tveir flokkar myndu hafa stóran meirihluta þjóðarinnar á bakvið sig svo ég segi að það sé hreinlega þeirra skylda að skoða þennan möguleika áður en pínulítill gamall bændaflokkur sem nánast enginn vill sjá er settur í stjórnsætið í landinu - þó að vísu bara í aftursætið og fast í góðum bláum sjálfstæðisbílstól