Skipulagið í tómu rugli

Í fréttinni kemur fram að tonlist.is hafi staðið í skilum á greiðslum vegna kaup á tónlistinni en greiðslurnar hafi ekki skilað sér til tónlistarmanna.... á 4 árum! Hverjum er þá um að kenna? Hvar liggja fjárhæðirnar. Eru STEF menn algjörlega steinrunnir og vonlaust að fá þá til að greiða út þessa peninga? Þetta er reyndar ekki í fyrsta skiptið sem maður heyrir svona hluti um STEF enda er þessi stofnun afar hægvirk og óskilvirk.

Einnig er rætt um að greiðslur af streymandi tónlist sé ekki í raun greitt samkvæmt lista frá tonlist.is heldur frá ríkisútvarpinu svo að aðeins þeir sem eru í náðinni hjá Rás1 sérstaklega fá óréttmætar greiðslur fyrir sölu annarra tónlistarmanna á tonlist.is. Þetta er auðvitað hefðin á Íslandi að gera þetta með þessum hætti og margar útvarpsstöðvarnar eru ekki að skila inn lista yfir spiluð lög heldur greiða fyrir spilun á Rás1 og Rás2 (og stundum jafnvel Bylgjunni). Þetta er bara hreinlega ekki í lagi....

Kannski það ætti að stofna önnur samtök tónlistar og textahöfunda til að það sé samkeppni í greininni! Kannski það myndi hreyfa við þessum steinrunnu hálf úreltu steinstyttum þarna hjá STEF.
Ég sem tónlistarmaður er amk afar ósáttur við þetta fyrirkomulag sem ætti að vera fyrir löngu búið að taka í gegn þar sem tæknin er orðin svo miklu betri en þegar þessar reglur voru settar á og það ætti að vera lítið mál að gera þetta allt rafrænt og á skilvirkan hátt.

Tónlist.is stendur skil á sínu

Athugasemdir

[Sverrir Karlsson (IP-tala skráð) 26.5.2007 kl. 19:54]

Ekki gleyma því að ástæðan fyrir því að notast er við upplýsingar um spilun á Rás 1 og 2 þegar kemur að uppgjöri á stefgjöldum er fyrst og fremst til að hlunnfara erlenda tónlistarmenn. Vegna þess að hlutfall íslenskrar tónlistar hjá Rás 1 og 2 er hærra en hjá öðrum útvarpsstöðvum eru þeir listar notaðir til að fjármagn streymi ekki úr landi...