Google er stórkostlegt fyrirtæki!

Google er að verða eitt af mjög fáum stórfyrirtækjum eftir í tölvubransanum sem ekki eru eingöngu að reyna að græða sem sést best á þessum milljóna tap-takka. Einnig veit ég að þeir gera mjög vel við starfsmenn og slegist er um hvert starf hjá Google. Þeir bjóða mjög góð laun og frábæra starfsaðstöðu auk ýmiskonar fríðinda.

Google hefur ekki látið kaupa sig af Microsoft og ég vona svo innilega að það gerist aldrei. Þeir hafa einnig ekki ofmetnast og láta ekki aulýsingar hrúgast yfir mann þegar maður leitar á vélinni þeirra.

ALlt þetta fyrir utan þessa frábæru tækni sem þeir nota á síðunum sínum og Gmail sem er ekkert nema æðislegt.

S.s. Google er að mínu mati besta fyrirtækið í bransanum og hananú!

Kostnaðarsamur hnappur hjá Google

Athugasemdir

[Nonni (IP-tala skráð) 23.11.2007 kl. 16:41]

Fyrirgefðu, en þeir bjóða reyndar ekki mjög góð laun. Borga m.a.s. undir taxta. Hins vegar er mjög vinsælt að starfa hjá Google sem bætir það upp.

[Gullvagninn (IP-tala skráð) 23.11.2007 kl. 16:41]

Já, google er fínt og þetta komment þeirra er frekar manneskjulegt (af auðhring).  Finnst samt að fólk fari of fljótt að reikna tap hér og tap þar.  Tap hjá tónlistarfólki þegar fólk halar niður tónlist, þeim tókst að minnka tap af veitingum í flugi með því að skera niður hinn glæsilega kost sem boðið var upp á, það er alltaf tap hjá ríki / sveitarfélögum ef þau minnka gjöld, og kók tapar væntanlega hroðalega á því að leik og barnaskólar skuli ekki bjóða upp á gosdrykki í mötuneytinu. 

[Stefán Örn Viðarsson, 23.11.2007 kl. 16:57]

ég hef reyndar heyrt að þeir borgi mjög vel en væntanlega er það misjafnt eftir því hvaða stöðu menn gegna þar innanbúðar.

[Sigurður Einarsson (IP-tala skráð) 24.11.2007 kl. 01:09]

Google eru ekki manneskjulegri en svo að þeir styðja við kúgunina sem kínversk stjórnvöld beita á þegna sína.  Það var þannig að ef kínverji googlaði td eitthvað um byltinguna á torgi hins himneska friðar, þá komu upp linkar sem kínversk stjórnvöld skáru á, en núna er það þannig að þeir fá ekki einu sinni upp linkana!!! Almenningur veit ekki einu sinni hvaða upplýsingum er verið að halda frá þeim.  Google ritskoðar fyrir kínversk stjórnvöld allri leit sem á sér stað þaðan. 

Annað atriði er að í því góða forriti Google earth, þá var það allavega þannig að ef leitað var eftir Lhasa sem er höfuðborg Tíbet fannst ekkert og heldur ekki þegar leitað var eftir Tibet, en ef maður fletti eftir China - Lhasa þá fannst borgin.

[Guðný Lára, 24.11.2007 kl. 03:11]

Reyndar fengju þeir ekki að starfa í Kína nema ritskoða leitarniðurstöðurnar. Þetta var mikið mál hérna um árið en þeir ákváðu að lokum að láta undan kínverskum stjórnvöldum einfaldlega svo almenningur í kína gæti þó fengið að leita að hlutum ótengdum pólitík í Kína.

[Davíð (IP-tala skráð) 24.11.2007 kl. 05:51]

Ég heimsótti þá í San Fransisco í fyrra og þessi vinnustaður á engan sinn líkan. Mötuneytið þarna er algjör snilld, maður gat gengið á milli "eldhúsa" þar sem var boðið upp á ýmsar gerðir af mat. Mexíkóskt, Ítalskt, Sjávarréttir, brauðbar, salatbar, súpur, ís í eftirrétt og svo kælir fullur af allskonar drykkjum.
Svo eru kælar með allskonar drykkjum með reglulegu millibili í byggingunum svo enginn deyr úr þorsta þarna.

[Davíð (IP-tala skráð) 24.11.2007 kl. 09:10]

Hehe Davíð. Þú heimsóttir höfuðstöðvar google og það eina sem þú sást og fannst þess virði að segja frá var maturinn?

 :) 

[Geiri (IP-tala skráð) 24.11.2007 kl. 11:39]

Þó að ég sé á móti ritskoðun yfirvalda að þá er ég samt ekki einn af þeim sem bölvar yfir öllum þeim sem stunda viðskipti við Kína. Það er líklegt að þetta land taki við sem heimsveldi á næstu áratugum og það er jafn heimskulegt að fara að sniðganga þá eins og það að sniðganga Bandaríkjamenn í dag.

Svo er þetta líka barátta sem Kínverjar sjálfir verða að standa í. Írak hefur sýnt okkur hvernig tvær aðgerðir virka illa, fyrst einangrun og svo þvingað á auknu frelsi. Ég á netvin sem býr í Sýrlandi og hann er mjög bjartsýnn á framtíðina eins og flest ungt fólk þar í landi, honum finnst ekki gaman að geta ekki skoðað myndbönd á Youtube en hann trúir því að þetta muni breytast smátt og smátt án afskipta. Þessi þjóð er líka orðin mjög vestræn að mörgu leiti og það virðist sjálfkrafa hefja breytingarskeið. 

[gáttaður (IP-tala skráð) 24.11.2007 kl. 20:20]

Google er ekkert merkilegra fyrirtæki en önnur. Mörg tapa á einhverju til þess eins að öðlast markaðshlutdeild sem er allt sem google vill. Éta heiminn og verða hið nýja "evil empire". Þeir eru þegar orðnir að því veldi sem menn ætti að hugsa sig um áður en þeir byrja að dýrka þá. Það er nákvæmlega það sem þeir vilja. Látið spila með ykkur eins og þið viljið en google er ekki góðgerðastofnun.