Ekki má gleyma Húsavík!

Þar sem hljómsveitin Umsvif mun spila á Gamla bauk laugardaginn 21 mars.
Spiluð verða lög úr öllum áttum en sérstakan sess fá lög frá hippatímanum með hljómsveitum eins og Trúbrot, Hljómum, Janis Joplin ofl.
1000 kall inn
Ógleymanlegt fjör!..
mbl.is Holskefla af tónleikum um helgina
Tilkynna um óviðeigandi tengingu við frétt

Þá þarf að fella niður STEF gjaldið... !

Ef menn ætla að ná einhverri sátt um svona aðgerðir þá þarf að fella niður þjófaskattinn af geisladiskum og öðrum miðlum. Það er búið að þjófkenna alla þá sem kaupa tóma geisladiska, DVD diska, mp3 spilara og aðra miðla fyrirfram og því lít ég svo á að það sé sjálfsagt mál að stela íslenskri tónlist á meðan þetta er svona.

Þetta mál hefur meira að segja komið fyrir rétti erlendis og niðurstaðan þar var alveg klárlega að sú að ég ásamt flestum íslendingum erum búin að greiða margfalt fyrir okkar niðurhal til STEF!

Hitt er svo annað mál að ég hef heyrt að STEF sitji bara á þessum sjóði og greiði aldrei neinum neitt úr honum.

Menn þurfa að kunna að vera sveigjanlegir í báðar áttir, ekki bara taka til sín endalaust í græðgiskasti. Það var auðvitað fyrrum stjórnarmenn STEF sem fóru í herðferð til að ná fram þessum skatti, vonandi að nýjir stjórnarmenn þar sjái þetta í öðru ljósi.


mbl.is STEF undirbýr herferð gegn niðurhali á tónlist
Tilkynna um óviðeigandi tengingu við frétt

Rán?? Geisladiskagjaldið og STEF!

Mig langar að benda á einn punkt. Í hvert skipti sem fólk kaupir geisladisk út í búð greiðir það amk 50 kr til STEF. Þessi sjóður á svo að renna til tónlistarmanna til að bæta þeim skaðan sem þeir verða fyrir þegar menn stela og brenna tónlistinni þeirra.

Það er s.s. búið að þjófkenna alla þá sem kaupa tómageisladiska fyrirfram og því lít ég svo á að það sé sjálfsagt mál að stela íslenskri tónlist. Maður er hvort sem er þjófóttur.

Hitt er svo annað mál að ég hef heyrt að STEF sitji bara á þessum sjóði og greiði aldrei neinum neitt úr honum.

Nú er ég sjáfur tónlistarmaður og sit því reyndar báðu megin við borðið. Ég tel þó að internetið hafi skapað og aðstoðað miklu fleiri tónlistarmenn en það hefur skaðað. Það eru helst þessir eldri tónlistarmenn sem vilja ekki eða kunna ekki að nýta sér kosti netsins.


mbl.is Bubbi hótar að hætta útgáfu
Tilkynna um óviðeigandi tengingu við frétt

Bara að vekja á sér athygli

Höskuldur hefur bara séð þarna leið til að vekja athygli á sjálfum sér og Framsóknarflokknum. Þeir vilja ekki sýnast eins og þeir séu einhverjar tuskur sem láta segja sér hvað á að gera þannig að hann hefur bara gripið tækifærið og mótmælt við þetta tækifæri.. !

Ótrúlegt hvað menn gera til að reyna að ná sér í prik frekar en að reyna að standa saman um að koma þjóðinni í sátt. Hinsvegar var þetta hugsanlega frekar illa valið moment hjá honum þar sem þjóðin er svo föst á því að losa Davíð út að þau prik sem hann vinnur tapar hann annarstaðar. 


mbl.is Höskuldur í háskaför
Tilkynna um óviðeigandi tengingu við frétt

Hver borgaði fyrir þessa "frétt"?

Þetta er ekki frétt, þetta er bara auglýsing. Eru mbl.is menn farnir að taka greiðslur fyrir að búa til svona "fréttir" ? Annaðhvort það eða þeir eru algjörlega búnir að missa allan metnað í sínu starfi.

Get ég selt bílinn minn í gegnum mbl.is? Hin fullkomni bíll til sölu? hmmm..


mbl.is „Hið fullkomna lén“ er falt
Tilkynna um óviðeigandi tengingu við frétt

Vonlaust fyrir venjulegan íslending...

Ég bjó í Kanada í um tvö ár og langaði reyndar að vera þar lengur. Það var þó ekki hægt vegna þess að ég hafði ekki atvinnuleyfi nema tímabundið. Það hefði tekið mig langan tíma, kostað mig mjög mikið vesen og pappírsflóð að fara í gegnum ferlið til að fá atvinnuleyfi. Maður þarf amk að vera mjög staðráðinn í því að ætla sér að vera þarna og búast við allavega 2 árum í ferlið þar af amk 1 ár áður en þú ferð út þar sem það tekur lágmark 6 mánuði að fá tímabundið leyfi.

Þetta er því nokkuð vonlaust nema maður sé milljóner með yfir 100 milljónir - þeir gefa þeim atvinnuleyfi skuldlaust - eða með mjög mikla sértæka menntun sem þeir telja sig þurfa.


mbl.is Íslendingar á leið til Kanada
Tilkynna um óviðeigandi tengingu við frétt

Hvað með hitt málið??

Það virðist þó samt ennþá vera þannig að ef menn fá spilun í útvarpi annarstaðar en á Rás 1 eða 2 þá fá þeir ekkert greitt. Amk eru minnstu stöðvarnar ekki að greiða eftir spilun einstakra laga heldur er þeim gert að greiða Rás 2 listann svo þeir sem fá spilun þar fá meira en hinir sem fá aðeins spilun á t.d. Xinu eða FM. Mjög undarlegt mál...


mbl.is Popparar fá sínu framgengt
Tilkynna um óviðeigandi tengingu við frétt

Hversu mörg ár að borga sig???

Þetta ferlíki er áætlað að kosti 82 milljarða! Miðað við áætlanir ríkisins á byggingu mannvirkja skal áætla amk 30% aukningu frá þessari tölu og útkomunni á endanum. Ef ég er hófsamur í útreikningum þá skulum við segja að á endanum muni þetta kosta 100 milljarða að byggja þetta. Sparnaðurinn er áætlaður 3-5 milljarðar og miðað við fyrri reynslu skal frekar miða þetta við lægri töluna. Söluhagnaður Landsspítalans í Fossvogi gætu numið nokkrum milljörðum og sparnaður við upplýsingakerfi gætu einnig verið eitthvað smotterí.

En allavega ... niðurstaðan í þessu er að við spörum kannski 4 milljarða á ári (meðaltal með söluhagnaði Fossvogsspítalans og öðrum sparnaði) sem þýðir að við erum 25 ár að greiða þetta upp. Þá er ekki tekið með í reikninginn vextir af þessum 100 milljörðum né aðrir þættir sem gætu minnkað þennan "sparnað".

Ég spyr bara... höfum við efni á þessu??


mbl.is Sjúkrahúsið kostar 82 milljarða
Tilkynna um óviðeigandi tengingu við frétt

Þýðir ekki að allir séu ekkert að gera!..

Það stendur ekkert um það í fréttinni hversu margir eru að þiggja örorkubætur, einungis hversu margir eru metnir örykjar. Ég veit um mörg tilfelli þar sem örykjar, jafnvel metnir 100%, eru í vinnu og sumir fullri vinnu þar að auki. Þetta eru því ekki 15.000 manns sem eru að fá bætur eða amk ekki óskertar bætur. Spurning hver sú tala sé?
mbl.is 15 þúsund manns metnir 75% öryrkjar
Tilkynna um óviðeigandi tengingu við frétt

Þjóðsagan um Atlantis??

Í gegnum tíðina hefur oft verið minnst á þjóðsöguna um týndu borgina Atlantis sem á að liggja á hafsbotni. Í sögunni segir frá borg framtíðarinnar með glæsilegum byggingum þar sem engu var til sparað.

Þetta minnir nú óneytanlega á borgina Dubai í dag og miðað við hækkun yfirborðs sjávar í framtíðinni og hversu glæfralega menn eru að byggja húsin þarna rétt við sjávarmál á manngerðum uppfyllingum var þjóðsagan um Atlantis alltaf framtíðarsýn en ekki saga úr fortíðinni!


mbl.is Engin kreppa í Dubai
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband