Hvað varð um poppbylgjuna?

Flestar hljómsveitirnar sem voru starfandi á þessu tímabili 1995-2000 eru annaðhvort hættar eða í dvala. Írafár, Buttercup, Í svörtum fötum, Paparnir, Sóldögg, Greifarnir, 200.000 naglbítar, Skítamórall, Stuðmenn, SSSól, Land og synir, osfrv.

Að vísu eru Ný Dönsk og Á móti sól með einhverja smá starfssemi og Sálin hefur aldrei almennilega hætt en að öðru leyti hafa allar hljómsveitir lagt upp laupana án þess að neitt hafi komið í staðinn. Í dag eru mjög margar hljómsveitir á íslandi starfandi en þær einblína lang flestar á popp/rokk sungið á ensku fyrir erlendan markað. Kannski uppgötvuðu tónlistarmenn á íslandi að það væri frekar ömurlegt líf að lifa á ballbransanum hér heima.

Einnig er það mín skoðun að í því góðæri sem var hér ríkjandi frá aldamótum að fólk hafði í raun ekkert sérstaklega gaman af því að fara á ball eða tónleika almennt séð. Fólk fór frekar til útlanda eða sat heima glápandi á 200" flatskjáinn sinn með kokteilana og nuddtækin og nýjustu downloduðu DVD myndirnar.

Tími sveitaballahljómsveitanna, rokksins, pönksins, skemmtunar og almennrar lífsgleði virðist hafa verið uppi fyrst og fremst í síðustu kreppu milli 1975-1985 svo nú er bara að vona að listamenn fari að lifna til lífsins og fólk skelli sér á tónleika og böll eins og í denn.

Alíslenskt popp: skýrsla

Hefur ekki þorað öðru!

Greyið stelpan, sem er örugglega bara unglingur en ekki "kona" eins og fréttin segir, hefur ekki þorað öðru en að flýja aftur heim frekar en að fá á sig ofur þungan Rússadóm og sitja í rússnesku fangelsi í mörg ár.

Ég skil þessa ákvörðun hennar amk mjög vel og hefði líklega gert það sama. Líkurnar á að fá sanngjarna meðferð eru töluvert meiri ef hún er stödd á Íslandi en í Rússlandi. Tala nú ekki um að þar fær hún væntanlega stuðning frá fjölskyldu frekar en að standa í þessu alein í ókunnugu og frekar vafasömu landi.

Íslenskur skiptinemi sagður eftirlýstur

Ekki mótmælatónleikar

Bubbi marg sagði sjálfur að þessir tónleikar væru ekki til að mótmæla neinu heldur bara til að sýna samstöðu og þjappa fólkinu saman. Enda mátti það glöggt heyrast á undurfögrum tónum Bubba á Rás 2 í morgun þegar hann frumflutti lag sem hann samdi líklega í bílnum á leiðinni upp í útvarpshús í morgun. Textinn í laginu var eitthvað á þessa leið:

 Við erum ein fjölskylda....
 Við þurfum að standa saman .... 
 Við erum í kreppu og við erum fjölskylda.........
 osfrv.

Fjöldi fólks á mótmælasamkomu Bubba

Nú er það byrjað... Ísland að breytast í Rússneska nýlendu

mbl.is búið að færa sig yfir í Rússneskar fréttir.

Przyjęto ustawę

Hér má sjá myndbandið

Ég held að það sé nú verið að blása þetta aðeins upp miðað við myndbandið sýnist mér. Ekki mikið talað um galdra þarna.

Samt er stórhættulegt að hafa svona strangtrúað bókstafstrúarfólk í æðstu embættum. Þau eru oftar en ekki ósveigjanleg með öllu og algjörlega vonlaus að rökræða við.... prófið bara að reyna að rökræða við vottana sem banka uppá hjá ykkur um trúartengd málefni.

http://www.youtube.com/watch?v=jl4HIc-yfgM

Bað Palin verndar frá göldrum

Bara snillingur

Það er frábært að þessi gaur skuli hafa fengið tækifæri til að hrista aðeins upp í þessu liði. Það þarf alltaf að teigja þröskuldinn vel svo viðhorfin breytist pínulítið.

Annars er hann alveg meinfyndinn þessi gaur en Ameríkaninn er varla tilbúinn fyrir þennan kolsvarta og hárbeitta húmor!..

Russel Brand hneykslaði á MTV-hátíðinni

Sorglegt.. hefði getað farið öðruvísi

Í upphafi ríkti metnaður hjá HA að gera þetta almennilega og vel. Illa hefur gengið að fá almennilega kennara og halda þeim skilst mér og nemendur hafa ekki verið svo kátir með námið af þeim sem ég hef talað við. Síðan hefur þetta drabbast niður síðustu ár og miðað við "kreppuna" núna og ástandið þá er víst ekki hægt að halda þessu gangandi... enda engin ástæða til, þetta hefur ekki verið að gera sig.

Að mínu mati hefði átt að gera þetta allt öðruvísi. Þeir hefðu átt að skera sig úr og gera þetta á annan hátt en HR og HI hvað námsefni og skipulag varðar. Þetta hefur verið mest megnis almenn forritun á grunnstigum og viðskiptafræði. Hvernig væri að gera t.d. viðskiptatengda kerfisstjórnun að alvöru fagi í háskóla á Íslandi? Ég fór í þannig nám erlendis (Kanada) og það var alveg magnað nám. Þar var farið í gegnum nánast allt Microsoft efni sem til er, Unix, Cisco, verkefnastjórnun, SQL og SQL forritun ofl. ásamt starfsþjálfun. Þetta var heilstætt nám með tengsl í viðskiptalífið og sinnti alvöru verkefnum þar sem alvöru reynsla fékkst.

Þetta nám er ekki hægt að nema á Íslandi enn sem komið er en ég held í vonina að stjórnvöld og menntamálayfirvöld hætti að líta á kerfisstjórnun sem einhverskonar áhugamál eða iðnaðarstarf og fari að sjá þetta fyrir það sem er það er sem er starf meira í líkingu við verkfræði og arkitektúr og það vantar algjörlega háskólamenntun fyrir þetta fag!

Öllum kennurum í tölvunarfræði hjá HA sagt upp

NEEEEIIII....

Það væri alveg dæmigert af þessum kjánum þarna hinumegin í Ameríkusýslu að fara að kjósa Rebúbblakana enn eina ferðina. Eina ástæðan fyrir þessu að mínu mati er vanþekking.. Ef jarðarbúar allir myndu fá að kjósa í þessum kostningum myndi Obama sigra með amk 70% atkvæða enda virðast gestsaugun sjá þetta mun betur úr fjarlægð. Þetta gegnumsýrða bókstafstrúarlið þorir bara ekki öðru en að kjósa íhaldið og óbreytt ástand vegna paranoiu.

Kannski er það aðalatriðið í þessu máli að þetta fólk þorir bara ekki öðru en að láta sama fólkið um að vernda sig gegn Bin Laden og vinum hans með ofstækisverndunarstefnu. Það og vanþekking, alveg klárlega.

Vonandi verður þetta ekki niðurstaðan í kosningunum. Það er þó bót í máli að McCain er í öllu falli mun skárri en Bússi blessaður.

McCain kominn með forskot samkvæmt könnun

Útgáfutónleikar Umsvifs!

Útgáfutónleikar Umsvifs
-       Stormur hugans -

Verið velkomin á tónleikana okkar
Laugardaginn 2. ágúst klukkan 22:30
Allinn Akureyri - Gránufélagsgötu 10
Geisladiskurinn seldur á staðnum

Frítt inn!

Jæja þá er loksins komið að því að ég og hljómsveitin mín gefum út okkar fyrsta disk! Við erum búin að vinna myrkranna á milli í allt sumar við gerð þessa disks.. svo vonandi fellur þetta í kramið...! :)

kveðja Stefán Örn
www.umsvif.com

Einföld lausn sem engin sér...

Sko....

Afhverju er verið að halda "útihátíð" í miðjum bæ ár eftir ár? Það er alveg ljóst að þetta er og mun alltaf verða hálfgerð útihátíð. Breytingin undanfarið ár er sú að unglingarnir meiga ekki tjalda á Akureyri eða nágrenni. Í mínu tilfelli komu ca 15 manns til að gista í garðinum mínum og þurfti að vísa fleirum frá.

Afhverju taka þeir þessa útihátíð ekki út úr bænum? Þá myndi bæjarfélagið halda áfram að græða peningana en hópurinn eyðir mestum tíma utan bæjarins. Til dæmis væri hægt að gera þetta á melgerðismelum.. þar væri hægt að hafa afgirt svæði með mikilli gæslu utan bæjarins ala Þjóðhátíð í Eyjum. Þar mættu þessar spyrnukeppnir og annað fara fram ásamt öðrum skemmtiatriðum fyrir unglingana. Þetta mætti einnig gera um verslunarmannahelgina.

Ég skil bara ekki afhverju þetta þarf að fara fram innan Akureyrar......

Erfið nótt á Akureyri