Lausnin á þessu máli!

Lausnin á þessu verslunarmannahelgarveseni á Akureyri er mjög einföld.

Staðreyndin er sú að ekki verður hægt að stoppa þetta og því þarf bara að koma þessu í ákveðin farveg og beina þessu á rétta braut.

Málið er að útbúa útihátíðartjaldsvæði ásamt skemmtidagskrá útfrá bænum. Taka til dæmis Eyjamenn til fyrirmyndar og setja upp útihátíðartjaldsvæði t.d. á Melgerðismelum eða einhverstaðar töluvert frá bænum. Þar væri hægt að hafa hljómsveitir, skemmtikrafta, brennu osfrv. og haldið hópnum að mestu leyti frá bænum.

Þetta myndi tæplega setja bæinn á hliðina vegna óláta en myndi samt skapa miklar tekjur fyrir bæinn. Einnig væri hægt að rukka inn á þessa hátíð svo töluverðar tekjur kæmu þar inn einnig.

þetta er allavega mín lausn: Leyfið börnunum að koma til Akureyrar...... bara ekki of nálægt!

Hvernig verður Ein með öllu?

Hvernig væri þá....

... að þeir lækkuðu verðið!??

Nú er methagnaður hjá flestum olíurisunum. Allir tala um að það sé vegna hækkandi olíuverðs og þá er álagnsinsprósentan hærri tala. Afhverju lækka þeir þá ekki álagið?? Nú þurfa þeir (vonandi) að fara að slást við aukingu farartækja sem nýta annarskonar orku. Hvers vegna ekki að byrja strax að vinna gegn þeirri þróun með því að lækka álagninguna og þ.a.l. hægja á þróun þess að annað taki við?

En bara svo það sé á hreinu að þá vill ég samt að sjálfsögðu að hreinlátari og betri orkugjafar taki við sem fyrst!

Methagnaður hjá Chevron

Peningamál Federline

Sko.. þessi svotil hæfileikalausi dansari/rappari hefur aldrei unnið sér inn neina peninga. Einu peningarnir sem hann á eru preningarnir hennar Britney. Nú eyðir hann eins og brjálæðingur og þarf að borga Britney meðlag upp á 18000 dollara á mánuði (1.4 milljónir). Ef að tónlistarframi kauða fer ekki að lifna við verður hann gjaldþrota innan 2-3 ára.

Furðulegt annars þetta ameríska réttarkerfi að dæma alltaf svona svakalegar upphæðir í meðlög og framfærslukostnað. Meðlag á íslandi er í dag um 20.000 kr sama hvort þú ert Andrés Önd eða Jóakim Aðalönd, er það ekki jafnrétti? Er ekki verið að refsa fólki fyrir að eiga peninga þarna? Þarna er náungi sem var giftur okkar heittelskuðu Britney í 5 mínútur að fá milljónir frá henni fyrir að hafa börnin sín hjá sér...... æj ég mun aldrei skilja þetta kerfi og ætla ekki að reyna.

Annars skiptir þetta engu máli fyrir neinn nema þau tvö!! Afhverju erum við yfileitt að lesa þetta drasl!?

Federline lifir hátt

Hvað varð um kallinn? Gömul frétt samt!

Þetta reyndar gerðist í fyrra svo þetta er alls ekki ný frétt. Þetta kallaðist Rickrolling á "netmáli". Nánari upplýsingar um það má finna hér: http://en.wikipedia.org/wiki/Rickroll

En ég man sko vel eftir þessi greyji .. hann hékk upp um veggi allra unglingsstúlkna á Íslandi í lok níunda áratugsins. Hvað varð annars um hann? Jú ... ég Gogglaði hann og viti menn! Hann hefur verið að rembast og gefið út nokkrar plötur síðan hann varð frægur á þessum 2-3 lögum sínum. Fáir hafa þó heyrt um þessar plötur enda hann ekki fengið neina athygli síðan þessir smellir voru uppá sitt besta í kringum 1987-1989.

Man einhver eftir Rick Astley?

Bjánalegar og úreldar reglugerðir..

Þessi regla sem bannar tilraunasölu á bjór í öðrum búðum en Heiðrúnu í Reykjavík er auðvitað alveg hlægileg. Þarna er sér sunnlenskur bjór á ferðinni sem væntanlega sunnlendingar munu sérstaklega hafa áhuga á að versla sér - í sinni heimabyggð. Þetta var einnig vandamál þegar að bjórinn Kaldi frá Árskógströnd kom á markaðinn. Lengi vel var ekki hægt að fá hann nema á veitingastöðum hér fyrir norðan og svo í Heiðrúnu í Reykjavík. Þarna var sér norðlenskur bjór á ferðinni og norðlendingar sérstaklega spenntir fyrir honum enda bruggaður úr norðlenskri náttúru.

Þetta er bara dæmigert um úreldar hugsanir og úreldar reglur sem enn eru við líði hvað varðar áfengi á íslandi. Þessu þarf að breyta og það sem allra fyrst.. !

Nýr bjór kemur á markað um helgina

Greiðslur tónlistamanna

 

Að sjálfsögðu á framkvæmdaraðilinn (í þessu tilfelli RÚV) að sjá um þessa hluti og hafa þetta á hreinu gagnvart höfundum laganna. Hinsvegar verða höfundar að semja sjálfir við flytjendur sína en það eru höfundarnir sem að eiga í samskiptum við RÚV hvað þetta varðar og "fronta" lagið. Flytjendurnir og höfundarnir verða svo að semja sín á milli.

Þessi þáttur var gríðarlega vinsæll og þeir teigðu og toguðu hann eins og mögulegt var, mér finnst fullkomlega eðlilegt að höfundar fái eitthvað fyrir sinn snúð í þessu máli.

Hér er svo comment sem ég skrifaði hvað á annað blogg um svipað mál en þar er verið að fjalla almennt um greiðslur til tónlistamanna frá RÚV en ekki bara í þessum þætti: 

Mér finnst reyndar slæmt ef að það á að fara að pína Rás 2 til að fara að borga þeim hljómsveitum sem þar koma fram live. Flestar hljómsveitirnar sem þangað koma eru þar í kynningarstarfssemi. Annaðhvort eru þetta lítið eða ekkert þekktar hljómsveitir / tónlistarmenn, eða að einhver þekktur kemur til að kynna ákveðna tónleika eða plötu sem viðkomandi er að gefa út. Þetta er s.s. klárlega kynningarstarfsemi í því tilviki.

Kastljós er álíka vettvangur og mér finnst yfir höfuð frábært að RÚV skuli leggja út í það að hafa svona tónlistaratriði á hverju kvöldi. Áður en Kastljós kom til sögunnar var ekki nokkur leið fyrir óþekkta hljómsveit að koma svona fram í sjónvarpi. Ekki það að auðvitað er 15.000 kall bara mjög hóflegt gjald fyrir RÚV að greiða sem þakklætisvott en það er óþarfi að fara frammúr sér í þessu og vera eitthvað að ofmetnast.

Það er nú þannig að flestir ungir hljómlistamenn eru að þessu fyrir listina og frægðina miklu frekar en peningana. þeir sem eru komnir á það stig að gera þetta fyrir peningana eiga bara að sleppa þessu hvort sem er.. það er enga peninga á þessu að græða til að byrja með!

Deilt um höfundarrétt Laugardagslaganna

og það næsta sem gerist er að....

.... Hive og Sko sameinast eins og segir í fréttinni en málið er að SKO var stofnað til höfuðs HIVE á sínum tíma. Nú eru þeir komnir með yfirhöndina í HIVE og eiga eftir að bola öllum út þar. Þetta rennur svo allt undir IP Fjarskipti sem svo á endanum rennur inn í Vodafone!

Þetta styrkir að vísu Vodafone sem er orðið gríðarlega sterkt miðað við aldur og fyrir störf og er orðin veruleg samkeppni við Símann. Líklega er bara enginn markaður fyrir svona margar internetveitur á Íslandi. Það hefur allavega sýnt sig að þær ganga aldrei vel nema 2-3 í einu..

 

Teymi kaupir 51% í Hive

uuu röng frétt...

Ég þekki til málsins og drengurinn er á þrettánda ári!

10 ára drengur á fjórhjóli

Slæm þróun

Þetta leiðir til enn meiri samþjöppunar á sviði netþjónustu. Það er eins og allar leiðir liggi til Microsoft. Ef þróunin heldur svona áfram verður aðeins eitt alsherjar yfirburða ofur risa netfyrirtæki sem ræður öllu á netinu.

Það hefur sýnt sig að Micrsoft stendur sig best og býður mun ódýrari þjónustu/vörur ef að það á í samkeppni við önnur stór fyrirtæki. Það er alveg klárt mál að þetta mun ekki leiða til betri vöruframboðs, þjónustu eða verðs fyrir neytendur.

Fyrir mitt leiti vona ég að þetta gangi ekki í gegn.

Microsoft vill kaupa Yahoo!

Alltaf vinsæl

Þessi frétt verður komin í topp sæti vinsældarlistans eftir smá stund alveg á hreinu.. hún Britney getur verið mjög stolt af þessum gríðarlega áhuga. Hún fer amk létt með að toppa núverandi borgarstjóra, fyrrverandi borgarstjóra og verðandi borgarstjóra samanlagt! Ótrúlegt hvað fólk hefur áhuga á að fylgjast með hrakförum annarra..

Ég vona nú að hún hafi ekki farið að skaða sig en margir eru búnir að vera að spá því síðustu vikur að nú muni hún reyna að ljúka þessu. Mikið hefur verið um verðmál þess efnis og öll alvöru slúðurblöðin eru með minningargrein um hana tilbúna og klára í prentun um leið og eitthvað gerist.

Ég myndi nú bara ráðleggja henni að fá sér gott hús á Raufarhöfn eða Þingeyri og reyna að forðast þetta snarbilaða lið þarna í Ameríkuhrepp! Ég veit líka um gott húsnæði sem hún getur fengið fyrir lítið á Grenivík.. og það er meira að segja laust pláss í kórnum!

Læknar kallaðir að heimili Spears