Það er nú greinilega einhver skortur á flughæfileikunum þarna...

Það ætti held ég að láta manninn taka flugprófin aftur! Hann er greinilega eitthvað óöruggur fyrst hann brotlendir tveim þyrlum á tveim árum! 99% flugmanna brotlenda aldrei á heilli starfsævi, þessi er greinilega mjög óheppinn eða bara mjög slæmur flugmaður.

Lifði á laufum og eigin þvagi

Einkennandi fyrir paranoiu Bandaríkjamanna!

Þessir vitleysingar þarna úti eru búnir að skapa sér sitt eigið víti með hringrás ofhræðslu, paranoiu, valdagræðgi og tortryggni. Hér er einhver íslenskur drengur að skemmta sér við að gera símaat. Hvaða unglingur hefur ekki gert símaat? Ég man nú ekki betur en meira að segja Tvíhöfða félagar hafi reynt að ná sambandi við Bush eða Clinton eða hver það var nú þá einhverríman í útvarpsþættinum sínum. Þeim gekk að vísu ekki eins vel og fengu engan símatíma en þeir náðu samt sambandi við ritara forseta að mig minnir eins og þessi drengur.

Nei þessir menn eru gjörsamlega gengnir af göflunum þegar CIA er farið að kalla út íslenska lögreglu vegna símaats sem ekki er einu sinni hægt að flokka sem hættulegt eða ógnandi. Ég hefði kannski skilið það ef hann hefði verið með hótanir eða eitthvað slíkt en í alvöru...  þetta forneskjulega útigangsfólk þarna (e. Bush People) þyrfti að róa sig aðeins, leggja byssunum, stöðva samsæriskenningarnar, hætta ofhræðslunni og ofur-eftirlitinu og læra aðeins að slappa af.

 

Skagapiltur pantaði viðtal við Bush

Ótrúleg vitleysa!

Ég geri mér grein fyrir að maður á ekki að kippa sér upp við heimsku bandaríkjamanna en þetta er alveg ótrúlegt! Að nærri annarhver maður í Bandaríkjunum skuli virkilega halda að tvær manneskjur hafi verið skapaðar í núverandi mynd og reddað restinni.

Ég hef reyndar aldrei heyrt almennilega útskýringu á því hvernig börnin þeirra fóru að því eignast börn sjálf. Þetta fólk mundi nú varla "gúddera" þá pælingu, amk þá einu leið sem ég sé færa í þessu sambandi. Væntanlega yrði ég gerður útlægur, bannfærður og grýttur ef ég skyldi voga mér að minnast á sifjaspell eða önnur slík atriði í þessu máli en í alvöru talað fólk... hvernig gerðist þetta í alvöru? Ef það er einhver fróður sérfræðingur í þessu má hann alveg tjá sig .. ég er með eindæmum forvitinn um þetta!

Ætli þessi vitsmunaminni grey þarna í Ameríkusýslu haldi líka að allar sögurnar úr gamla testamentinu skuli vera sannar? Örkin hans Nóa t.d.? Þar kemur einmitt sama spurning upp í hugann.. hvernig fóru öll dýrin (og Nói) að því að fjölga sér upp á nýtt? Nei í alvöru talað.. þessar gömlu sögur eru eins og þunn g-strengs nærföt, gefa eitthvað frekar dónalegt í skyn en klára ekki verkið. Ég hefði líka viljað fá nákvæma útskýringu á því hvernig öll þessi dýr komust fyrir í þessu heillarfleygi hans Nóa gamla?

Nú bauna væntanlega einhverjir strang trúaðir á mig en ekki misskilja, mér finnst trúin af hinu góða og Biblían er frábært verk en þessi vitleysa tekur bara út fyrir allan þjófabálk!

Trúa á Guð, drauga og djöfulinn

Ég segi það aftur: Google er stórkostlegt fyrirtæki!

Langar að benda á annað blogg sem ég skrifaði fyrir stuttu.. EKki voru nú allir sammála mér en ég stend við fyrirsögnina!

http://geislinn.blog.is/blog/geislinn/entry/373096/ 

Nuddaður og klipptur í vinnunni

Foreldrar þurfa að vera á vakt..

Foreldrar þurfa að passa mjög vel uppá netnotkun barnanna sinna sem er ekki svo erfitt nú til dags ef fólk leggur aðeins á sig að læra á kerfin. Mig langar að benda á aðra bloggfærslu sem ég skrifaði fyrir stuttu um svipað mál: http://geislinn.blog.is/blog/geislinn/entry/372720/

 

Einelti færist í vöxt á netinu

Google er stórkostlegt fyrirtæki!

Google er að verða eitt af mjög fáum stórfyrirtækjum eftir í tölvubransanum sem ekki eru eingöngu að reyna að græða sem sést best á þessum milljóna tap-takka. Einnig veit ég að þeir gera mjög vel við starfsmenn og slegist er um hvert starf hjá Google. Þeir bjóða mjög góð laun og frábæra starfsaðstöðu auk ýmiskonar fríðinda.

Google hefur ekki látið kaupa sig af Microsoft og ég vona svo innilega að það gerist aldrei. Þeir hafa einnig ekki ofmetnast og láta ekki aulýsingar hrúgast yfir mann þegar maður leitar á vélinni þeirra.

ALlt þetta fyrir utan þessa frábæru tækni sem þeir nota á síðunum sínum og Gmail sem er ekkert nema æðislegt.

S.s. Google er að mínu mati besta fyrirtækið í bransanum og hananú!

Kostnaðarsamur hnappur hjá Google

Það sem þarf að gera..

Foreldrar þurfa að vera mjög meðvitaðir um tölvunotkun barnanna sinna. Sjálfur var ég forfallinn tölvufíkill þegar ég var unglingur en er núna foreldri og er að glíma við sama vandamál hjá mínum börnum. Ég þekki því vandann frá báðum hliðum sem gerir mig sérstaklega áhugasamann um málið.

Ég fann sérstaklega indælt forrit á netinu sem heitir einfaldlega Parental Control (http://www.crawlerparental.com/) en þetta er eina ókeypis forritið á netinu sem gerði það sem ég vildi gera sem var að setja tíma á tölvuna, tvo tíma á virkum dögum á milli kl 9 og 21 og svo fjóra tíma um helgar á milli kl 9 og 22. Eftir þennan tíma lokar forritið á notandann og tölvan er óvirk fyrir barninu þangað til næsta dag. Hægt er þó að bæta við t.d. klukkutíma ef foreldrar leyfa. Einnig fylgist forritið með á hvaða síður barnið fer og hægt er að fylgjast með spjalli barnsins á MSN sem ég geri þó ekki. Börnin eiga líka rétt á smá einkalífi enda nánast eingöngu verið að spjalla við önnur börn.

Forritið er það einfalt í notkun að flestir foreldrar ættu að geta fundið út úr því. Ég hef sjálfur ekki séð leið til að "hakka" sig í gegnum það en ég starfa sem kerfisfræðingur og tel því ólíklegt að barnið muni ná að klóra sig í gegnum þetta forrit á næstunni.

Windows Vista stýrikerfið hefur reyndar svona tól innbyggt og þurfa því notendur þess ekki að hafa sérstakt forrit eins og þetta til að stýra tölvunotkun barnanna sinna.

Ein regla í viðbót sem ég hef sett mínum börnum: Það er bannað bæta nýju fólki inn á MSN sem er ekki sjálft barn eða fjölskyldumeðlimur nema með samþyki okkar foreldranna. Reglulega kíki ég svo á MSN listann þeirra og fer yfir hvort einhverjir ókunnugir hafa bæst við.

Ég mæli amk sterklega með svona stýringu en þetta hefur reynst sérlega vel á mínu heimili.

Undirliggjandi vandi missi menn tökin á tölvunotkuninni

Framtíðin er hér...!

Það hljóta allir að sjá að þetta sé framtíðin. Þetta sést einna best á þessum nýju fréttum frá tónlistarfólki á borð við Mugison og Radiohead að netið mun yfirtaka alla sölu á afþreyingarefni í framtíðinni. Öll margmiðlun mun lifa eingöngu í stafrænu formi og seljast eingöngu yfir internetið.

Tónlist verður seld beint í iPOD tækin okkar eða tölvurnar/græjurnar heima í stofu. Einnig verður hægt að kaupa tónlist beint í bílinn úr skjánum í bílnum yfir 3G netið okkar sem bíllinn verður tengdur beint hvar sem er. Kvikmyndir verða seldar beint í sjónvarpstækin okkar eða myndspilarana sem tengdir verða þráðlaust í öllum bílum sem og annarstaðar.

Já framtíðin í þessum málum er bæði spennandi og neikvæð. Spennandi vegna mjög svo góðs aðgengis að afþreyingarefninu en neikvæð vegna nostalgíuþáttana eins og tilfinninguna að fara út í plötubúð og velja plötu, skoða hulstrið og halda á heilstæðri vörunni í hendinni. Geisladiskar munu  hverfa og allt mun verða geymt á minniskubbum. Harðir diskar eru einnig á útleið og minniskubbar munu hefja massífa innreið sína í allar tölvur og tæki sem munu geyma alla okkar afþreyingu á ofurhraða á endalausum gígabætum út um allt.

Sjálfur er ég tvístíga í hvernig ég eigi að líta á þessa þróun en ég er bæði tækninjörður og tónlistarmaður. Mér finnst t.d. sorglegt að heilstæðir diskar/plötur sem bundnir eru ákveðnum fjölda laga (milli 10-20 lög) séu á undanhaldi og í framtíðinni munum við hugsanlega ekki sjá neitt nema einstaka lög. Lítið verður einnig um "coverin" á diskunum sem mér finnst ótrúlega sorglegt en sem aðdáandi tækninnar hlakka ég til þeirra tíma þegar ég get sagt græjunum mínum hvernig tónlist ég fýla og þær finna eitthvað við mitt hæfi heima eða í bílnum. Einhver lágmarksupphæð er svo dregin af kreditkortinu mínu í hverjum mánuði hugsanlega.

Já .. spennandi tímar framundan og sitt sýnist hverjum um hvort þetta sé jákvæð eða neikvæð þróun.

Neytendum tónlistar treystandi

Típískt...

Það erfiðasta við að eiga fötluð börn á Íslandi er að þurfa að heygja stöðuga baráttu við ríkið, og þá sérstaklega Tryggingastofnun.

Ég bind smá vonir við nýjan ráðherra í þessum efnum... sjáum hvað gerist á kjörtímabilinu.

Vill sjá soninn búa einan

Hver er lögbrjóturinn?

Þvílíkur skandall...

Hver er í raun lögbrjóturinn hér? Er það sá sem stelur skránni og dreifir henni eða sá sem býður upp á umhverfið til þess? Ef að ég ætti húsnæði og myndi bjóða vinum mínum að stunda þar ólöglega starfssemi án minnar aðkomu, væri ég þá lögbrjóturinn eða þeir?

Mér finnst þetta alveg svakalega mikil forræðishyggja að stöðva þessa starfssemi þar sem ekki er einusinni verið að græða peninga þar sem þeir eru ekki í spilinu hjá þessum mönnum. Það er í raun verið að þjófkenna þá ásamt öllum þeim sem nota þessi kerfi. Ég veit vel að margir nýta sér þessi tól til þess að brjóta lögin en hver segir að við eigum að hafa vit fyrir þeim? Eigum við þá ekki að banna áfengi í leiðinni því það getur leitt til afbrota? Við getum líka bannað bíla og faratæki í leiðinni því það er alltof einfalt að brjóta lögin með slíkum tækjum og tólum!?

Nei í alvöru talað.. þetta er óþolandi forræðishyggja og á ekki að líðast! Þetta er nákvæmlega það sem er að gerast í USA og það er nánast allt slæmt sem þaðan kemur þessa síðustu og verstu!

Lögbannskrafa tekin til greina og Torrent vefnum lokað